გეოგრაფიის საგანი

გეოგრაფია — მეცნიერება დედანიწის ზედაპირის ბუნების, მოსახლეობის და მის საქმიანობის შედეგების შესახებ. მას სახელი ძველმა ბერძენმა მეცნიერმა ერატოსთენემ (ძვ. წ. 276 – გ. ძვ. წ. 194) მისცა და თარგმანში (γεωγραφία) – «გეო» — მიწა, «გრაფია» — ვწერ) – დედამოწის აღწერას ნიშნავს.

გეოგრაფია არის ერთიანი კომპლექსური მეცნიერება, რომელიც დედამიწის გეოგრაფიულ გარსს სწავლობს. მისი შესწავლის ძირითადი ობიექტები გეოსფეროები (ბიოსფერო, ატმოსფერო, ლითოსფერო, ჰიდროსფერო და ნიადაგის ფენა) და გეოსისტემები (ლანდშაფტები, ბუნებრივი ზონები, ბიოგენოცენოზი…) არის;

გეოგრაფია არის ცოდნა ცალკე აღებული ტერიტორიების, ობიექტების, მოვლენების, პროცესების და მათი სივრცით-დროული ცვალებადობის და თავისებურების შესახებ. მეცნიერება ბუნების, საზოგადოების, მათი ურთიერთობის და ამ კავშირების შედეგებზე.

გეოგრაფიის კვლევის მეთოდები:

* დაკვირვების (იძლევა ფაქტიურ გეოგრაფიულ მასალას ობიექტების შესახებ);

* კარტოგრაფიული (იძლევა ბუნებრივ-ტერიტორიული კომპლექსების მდებარეობის კანონზომიერების და განვითარების შესწავლის საშუალებას);

* სტატისტიკური (დაკვირვების შედეგად მიღებული მონაცემების დამუშავება და ანალიზი);

* ისტორიული (გეოგრაფიული ობიექტების შესწავლა, მათი წარმოქმნის დღიდან – დღემდე);

* შედარების (გეოგრაფიულ ობიექტებსა და მოვლენებს შორის მსგავსების და განსხვავების გამოვლენა, მათი კლასიფიკაცია და დროში და სივრცეში ცვლილების პროგნოზირება);

* აეროკოსმოსური (დედამიწის კვლევა და კარტოგრაფირება სხვადასხვა სახის მფრინავი აპარატურის გამოყენებით. ეს შეიძლება იყოს ფოტოსურათი ან ინფორმაცია ელექტრონული, გეოფიზიკური და ვიზუალური სახით);

* გეოგრაფიული პროგნოზი და მოდელირება (მომავალში გეოსისტემების მდგომარეობის პროგნოზირება);

* გეოინფორმაციული (მონაცემთა ბანკის შექმნა, თანამგზავრიდან, მეტეოროლოგიური სადგურებიდან და სხვა წყაროებიდან მიღებული ინფორმაციის საფუძველზე).